Protestohet në Mitrovicë për vdekjen e Betina Ymerit

Shkruar nga: B Hasi | Publikuar më: 16.09.2022, 15:30

Familjarë, miq, përfaqësues të shoqërisë civile, si dhe qytetarë të tjerë, kanë protestuar sot para Gjykatës Themelore në Mitrovicë për shkak të rastit të 19-vjeçares, Betina Ymeri, e cila më 8 shtator dyshohet se i dha fund jetës pas kërcënimeve nga fejuari i saj.

Protestuesit ju bën thirrje institucioneve përkatëse që rastin ta trajtojnë me prioritet dhe profesionalizëm, në mënyrë që ngjarja të zbardhet sa më shpejtë dhe fajtori të marrë dënimin e merituar.

Në këtë protestë u tha mes tjerash se vdekja e Betinës do të mund të parandalohej sikur institucionet të ishin funksionale për gratë dhe t’ju ofrojnë më shumë siguri për të raportuar dhunën ndaj tyre.

Protestuesit mbanin pankarta në duar me mbishkrimet “Mos t’ndodhë ma”, “Nuk ka dështu nana, ka dështu shteti”, “Fol me çikën si me djalin”, “Vetëvrasja nuk vjen nga qielli”, etj.

Nerimane Ferizi, aktiviste e shoqërisë civile, tha para të pranishmëve se janë mbledhur sot për të thënë përfundimisht se asnjë vajzë e grua nuk duhet të jetojë me frikën e dhunës, të ndjehet e pashpresë dhe asnjë vajzë e grua të mos vritet nga një burrë.

Sipas saj, sot më shumë se kurrë është e domosdoshme nevoja për solidaritet dhe mbështetje ndaj vajzave dhe grave.

“Ne jemi mbledhur këtu për të thënë përfundimisht asnjë më, asnjë vajzë e grua të jetojë me tmerrin dhe frikën e dhunës. Asnjë vajzë e grua të mos vritet nga një burrë. Asnjë vajzë e grua të mos ndihet vetëm dhe e pashpresë. Sot më shumë se kurrë është e domosdoshme të thërrasim për solidaritet e mbështetje të vajzave e grave. T’ju besohet vajzave e grave. T’ju dilet në ndihmë atyre. Andaj e theksojmë për familjarë, kojshi, kalimtarë, kudo që e shihni dhunën raportojeni. Bëhuni në anën e viktimës e jo të dhunuesit. Dhuna ndaj vajzave e grave është krim. Trajtojeni si të tillë. Pra, sot po kërkojmë që kjo gjykatë të trajtojë rastin e Betinës me prioritet dhe t’i jap dënim meritor fajtorit”, ka thënë Ferizi.

Në anën tjetër, Fatime Ymeri, nëna e të ndjerës, ka bërë thirrje të gjitha nënave dhe grave që rastet e dhunës t’i raportojnë në polici.

“Lus çdo nënë, çdo femër, e cila heton dhunë sado pak, të lajmëroj rastin në polici dhe lus gjykatën t’i shkojë drejtësisë deri në fund, e jo të kërkojë ryshfet”, theksoi ajo.

Gjatë protestës e cila zgjati rreth një orë, u lexua një poezi dedikuar Betinës, vargjet mallëngjyese të së cilës përlotën shumë të pranishëm.

Ndryshe, Betina Ymeri nga fshati Vinarc i Mitrovicës, dyshohet se i dha fund jetës për shkak të kërcënimeve serioze nga i fejuari i saj L.SH. (19), i cili është arrestuar nga policia.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit