Ditën e djeshme u paraqit “me bujë” nga Rama se një pallat prej plot 9 katesh rezultonte pa leje. Në fakt kjo dukej shumë e habitshme, pasi askush nuk mund ta kuptonte se si mundet që një pallat me 9 kate të ndërtohet pa leje në një ndër zonat më të kërkuara të kryeqytetit.
Ndërkohë ditën e sotme u mësua se biznesmeni që kishte ndërtuar pallatin ishte Lul Morina, një ndër hotelet e të cilit u reklamua nga vetë Rama pak kohë më parë nëpërmjet një videoje të publikuar në profilet e tij sociale.
Po sot, u mësua se Morina nuk do të arrestohet por do të paguajë një gjobë dhe do t’ia hedhë “pa u lagur”. Natyrisht të ndërtosh një pallat me 9 kate pa leje dhe t’i shpëtosh burgut, nuk është gjë e pakët.
Por duket se është zbuluar edhe arsyeja se përse Lul Morina nuk do të arrestohet dhe se do t’ia hedhë thjesht me një gjobë. Në internet qarkullon një foto ku Morina duket nën shoqërinë e Olsi Ramës, vëllait të kryeministrit. A kanë ndikuar “njohjet” e këtij biznesmeni që të mos arrestohet? Si mendoni?
