EKSKLUZIVE/ Familjarët publikojnë bisedat: Ersida me Marjusin të lidhur prej muajsh!

Shkruar nga: A Gjoni | Publikuar më: 09.08.2022, 14:02

Bëri bujë në media pak ditë më parë shpallja e humbur prej disa ditësh e Ersida Dyrmishit. Kjo e fundit u gjet në një banesë në Durrës dhe më pas kallëzoi në polici së bashku me bashkëshortin e saj, 32-vjeçarin Marjus Musakun si pengmarrës të saj.

30-vjeçarja, nënë e dy fëmijëve tha se ai e kishte detyruar të kryenin marrëdhënie seksuale nën kërcënimin e një thike teksa e mbante peng dhe e kishte detyruar të bashkëjetonte me të.

Musaku deklaroi në polici pas arrestimit se ata duhen dhe se ajo kishte ardhur me dëshirën e saj. I riu nga Lushnja i mohoi deklaratat duke përgënjeshtruar faktin e mbajtjes peng. Musaku tha se ata kanë një histori dashurie.

“Nuk e kam mbajtur peng. Ajo ka ardhur me deshirën e saj. Ne kemi një histori dashurie, kemi qenë bashkë këto ditë”,-ka deklaruar ai para policisë.

Versionin e Musakut e mbështesin edhe familjarët e këtij të fundit, tejet të indinjuar për deklaratat e të resë. Në një rrëfim ekskluziv për JOQ Albania, familjarët e Musakut shprehen se Ersidën e njihnin pasi i kishte prezantuar Marjusi dhe kishin lidhje të ngushta me të.

Ata thonë se ndjehen të shqetësuar për të birin që po mbahet pas hekurave për një krim që nuk e ka kryer pasi 30-vjeçarja ka shkuar me të me dëshirë pasi ata ishin të lidhur prej disa muajsh.

Familjarja e tij shkruan:

“Prsh JOQ Un qe po ju shkruaj jam **** e Marjus Musakut. Tani me falni pse nuk i poston faqa juaj mesazhet nga familjaret mund te na japesh nje pergjigje?

Marjusi nuk ka mar njeri me zor dhe as nuk ka perdhunuar njeri. Ne si familjar ishim ne dijeni te lidhjes se tyre prej disa muajsh. Vajza shkembente ne menyr te vazhdueshme mesazhe telefonata dhe madje dhe foto intime te cilat te gjitha te faktuara do paraqiten ne gjykate. Kur kjo grua nuk ka dashur pse i ka takuar familjaret e Marjusit? Un vet personalisht jam takuar me Ersiden ku kam shkuar te parukeria e saj kam ber dhe krehje.”

Një tjetër familjare e Marjus Musakut shkruan:

“Ajo e donte kalonin bukur bashke gjithcka shkonte ok déri sa ju prish plani qe po e kerkonte burri. Pse nuk reagoj para 9 ditesh ajo telen ne dore e kishte. Vajti 1 jave qe e motra nuk ve gjume ne sy. Jemi shume te shqetesuar te gjith si familje. Te lutem me ndihmoni te nxjer anen e sakte te historis sepse dhe SMS ate tregojn. Une dua vetem qe e verteta te dali ne pah sepse djali po ben burg kot dhe familjaret jan shume te shqetesuar ashtu sic i shoqi i saj u shqetesua kur ajo iku”

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit