Një i ri ka shkuar me pushime në Himarë për të kaluar disa ditë të qeta larg stresit dhe zhurmës së përditshme. Siç dihet përgjithësisht sezoni i plazhit, përveç marrjes së rrezeve gjatë ditës, ka veçantinë e tij edhe në darkë, ku pushuesit shëtisin apo kalojnë momente argëtimi në lokale të ndryshme.
Por i riu në fjalë u përballë me një skenë vërtetë të çuditshme gjat kohës që ishte duke bërë një shëtitije në mbrëmje. Ai pa se si automjeti i policisë kishte bërë një parkim aspak korrekt. Nëse një qytetar i zakonshëm do të kishte parkuar në atë mënyrë, sigurisht që do të ishte ndëshkuar me një gjobë të majme.