Një 28-vjeçar në Sarandë është plagosur rëndë pasi është hedhur nga trampolina në det. Mësohet se Endri Mera 28-vjeç, nga Tepelena, është hedhur me kokë nga trampolina me kokë dhe për rrjedhojë është plagosur rëndë.
I riu është transportuar me urgjencë në Spitalin e Sarandës por për shkak të gjendjes së rënduar ai është transportuar me helikopter në spitalin e Traumës në kryeqytet.
Sipas mjekëve i riu ka pësuar frakturë të rruazave të qafës.