Në Shqipëri rritja e çmimeve është kthyer në një makth dhe stres të vërtetë pasi qytetarët shqiptarë po blejnë më pak edhe pse paguajnë më shumë. Përveç çmimit të karburanteve, shqiptarët po përballen edhe me një rritje të frikshme të çmimeve për produktet e bulmetit pasi brenda pak javësh ato janë rritur me 20 deri 50 lekë.
Vetëm kosi ka pësuar një ndryshim të frikshëm pasi nëse një javë më parë kushtonte 150-170 lekë, tani i njëjti produkt është rritur me 20 deri 50 lekë më shumë duke arritur në çmimin, 190-220 lekë.
Përveç kosit dhe qumështit edhe produktet e tjera të bulmetit kanë pësuar rritje, në frigoriferin e bulmetrave në supermarket djathi më i mirë, ai i deles kushton deri në 1250 L/Kg.
Qytetarët duke folur për mediat kanë treguar se kryerja e pazarit është kthyer në stres për to pasi po blejnë ushqime sa për të kaluar për të mos ngrënë bukë thatë.
Edhe qytetarë të tjerë besojnë se rritja e çmimeve është skandaloze dhe se populli nuk reagon ndaj këtij abuzimi.