Një aksident i rëndë ka ndodhur paraditen e sotme në aksin Lezhë-Shkodë, në afërsi të fshatit Piraj.
Mësohet se janë përplasur dy makina, teksa kanë mbetur të plagosur 7 persona mes tyre një fëmijë.
Një automjet tip “Furistradë Mitsubish” me targa greke, është përplasur me një “Audi A6.”
Shkak dyshohet se ka qenë një parakalim i gabuar i Audit me targa të Kosovës.
Të plagosurit janë transportuar me urgjencë në spitalin e Lezhës, ndërsa fëmija ndodhet në gjendje të rëndë.