Policia angleze po kërkon ndihmën e qytetarëve në Somerset për të gjetur një shqiptar të dënuar për drogë. Policia e Merseyside ka bërë një apel përmes policisë Avon dhe Somerset për të gjetur të kërkuarin Ellis Bala.
30-vjeçari Bala ka shkelur rregullat e lirmit me kusht pasi u lirua nga burgu ku ishte dënuar për drogë. Shqiptari përshkruhet si i gjatë, me trup të madh, me flokë të rruar kafe të errët dhe sy kafe.
Sipas autoriteteve britanike shqiptari vepron në zonën e Avon dhe Somerset. Policia kërkon që kush do që sheh Balën të kontaktojë policinë e Merseyside ose të telefonojnë në numrin 101.