Shoku i vëllait humbi jetën, motra e të plagosurit: E hapën pusin për të vaditur tokat

Shkruar nga: S Shtjefni | Publikuar më: 10.07.2022, 15:07

Dy shtetas, konkretisht Bledar Bregu, 33 vjeç dhe Besnik Veliaj, 38 vjeç, janë dy burrat të cilët duke pastruar pusin e zonës në Lofkënd, u asfiksuan nga çlirimi i gazit dhe u bllokuan brenda tij.

Të dy dolën gjallë nga pusi, ndërsa Veliaj humbi jetën.

I plagosur mbeti edhe zjarrfikësi që i nxori nga pusi.

Ndërkohë Enkelejda Banaj, motra e Bledar Bregut që ndodhet në spital, thotë se është njoftuar nga e ëma për ngjarjen e rëndë dhe menjëherë ka udhëtuar nga Patosi në drejtim të fshatit Lofkënd.

Banaj shprehet se i vëllai dhe viktima Besnik Veliaj ishin shokë me njëri tjetrin e kishin hapur pusin për të vaditur tokën.

“Çfarë të them unë e shkreta, unë erdha nga Patosi sot, çfarë të them. E hapën pusin për të vaditur tokat. Ata ishin shokë, ishin të dy beqarë. Mami njoftoi burrin tim në Patos dhe erdhëm. Ishin futur për të pastruar pusin”, rrëfen e motra e 33-vjeçarit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit