Ditën e sotme, Agjencia e Mbikqyrjes policore njoftoi se ka pezulluar nga puna 5 efektivë të Policisë Rrugore, pasi abuzonin me detyrën.
Më konkretisht, efektivët e policisë, gjobisnin qytetarët padrejtësisht dhe falsifikonin të dhënat e radarit.
Thënë shkurt, punonjësit e policisë përpiqeshin që qytetarët shqiptarë të paguanin sa më shumë gjoba, duke i akuzuar ata edhe për shkelje që nuk i kishin kryer.
Efektivët e pezulluar janë:
– Inspektor Albi Meta, 33 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor Euklid Meci, 31 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor Ilirjan Kalemi, 40 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor Gerald Shabani, 26 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor Jurgen Muha, 27 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë