Një plagosje me thikë ka ndodhur mbrëmjen e sotme në Cërrik. Mësohet një 15-vjeçar me iniciale N.P ka plagosur me thikë një 15-vjeçar me iniciale P.M. i mituri ndodhet në gjendje të rëndë në spital ndërsa autori është arrestuar.
Njoftimi i policisë:
Plagosi me thikë bashkëmoshatarin e tij, kapet menjëherë pas ngjarjes, autori i dyshuar i plagosjes. Shërbimet e Policisë kapën dhe shoqëruan në Polici për veprime të mëtejshme shtetasin N.P., rreth 15 vjeç. Ky shtetas mbrëmjen e sotme plagosi shtetasin P.M., rreth 15 vjeç, banues në fshatin Shtëpanjë, Cërrik, i cili ndodhet në spital për ndihmë mjeksore në gjendje të rëndë. Grupi hetimor nën drejtimin e Prokurorisë së Rrethit Gjyqësor Elbasan vijon punën për sqarimin e rrethanave të ngjarjes.