Nuk ka me dyshime. Romelu Lukaku është zyrtarisht futbollisti më i ri i Interit. Ditën e sotme erdhi më në fund zyrtarizimi nga vetë klubi zikaltër.
Në një video të shpërndarë në rrjetet sociale, presidenti i Interit, Stiven Zhang, shfaqet së bashku me belgun duke thënë: “Bosi i madh është kthyer sërish”.
Gjithashtu këtë lajm e konfirmoi dhe skuadra e Çelsit, që shkruan se Lukaku do të luajë i huazuar te Interi në sezonin 2022/23.
Në orët në vijim pritet dhe zyrtarizimi tjetër i zikaltërve, për mesfushorin e Kombëtares shqiptare, Kristjan Asllani.
