Një tërmet 6.1 ballë goditi mëngjesin e sotëm, Afganistanin lindor dhe Pakistanin duke shkaktuar vdekjen e të paktën 250 personave.
Sipas Shërbimit Gjeologjik të Shteteve të Bashkuara, tërmeti u regjistrua në thellësinë 51 km.
JUST IN 🚨 Afghanistan state-run news agency reports more than 150 people killed in #earthquake in country's eastern province.
— Insider Paper (@TheInsiderPaper) June 22, 2022
Shumë njerëz flinin kur toka nisi të dridhej. Agjencia shtetërore e lajmeve “Bakhtar” që raportoi detajet paraprake, tha se ekipet e shpëtimit po shkonin me helikopter.
Në një postim në Twitter, një zëdhënës i qeverisë afgane, shkruan: Një tërmet i fortë tronditi katër rajone të provincës Paktika, duke vrarë dhe plagosur qindra bashkatdhetarë e shkatërroi dhjetëra shtëpi.
Ne u bëjmë thirrje të gjitha agjencive të ndihmës së shpejtë që të dërgojnë menjëherë ekipe në zonë, për të parandaluar katastrofën e mëtejshme.
