15-vjeçari ther me thikë 19-vjeçarin në Bardhosh të Prishtinës

Shkruar nga: B Hasi | Publikuar më: 20.06.2022, 14:47

Policia e Kosovës ka nisur hetimet për një tentim vrasje që ka ndodhur mbrëmë në fshatin Bardhosh të Prishtinës, ku një 15-vjeçar ka therur me thikë një 19-vjeçar. Për pasojë, i riu është dërguar në Qendrën Klinike Universitare të Kosovës, teksa ende nuk dihen motivet e rastit.

Burimet brenda Emergjencës kanë bërë të ditur se ngjarja dyshohet se ndodhi pas një përleshje mes dy palëve në një fushë të basketbollit, ku për një momenti i dyshuari nxjerr thikën, me të cilën i shkakton plagë viktimës.

Policia është vënë në veprim dhe ka arritur të arrestojë të dyshuarin, i cili është shoqëruar në stacion policor për intervistim, por që nuk ka dhënë deklaratë, duke u mbrojtur në heshtje.

Thika e përdorur në rast është konfiskuar, teksa i dyshuari, me vendim të prokurorit është dërguar në mbajtje për 24 orë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit