Lajçak: Mesazhi më i rëndësishëm i Marrëveshjes së Prespës është se çdo problem ka zgjidhje nëse ka vullnet politik

Shkruar nga: B Hasi | Publikuar më: 17.06.2022, 10:08

“Për mua mesazhi më i rëndësishëm i Marrëveshjes së Prespës është se çdo problem është i zgjidhshëm nëse ka vullnet dhe guxim politik”, tha Miroslav Lajçak, i dërguari special për dialogun Prishtinë-Beograd. Ai shton se ky problem ekziston për shumë vite “disa menduan se nuk do të zgjidhej kurrë, por megjithatë me vullnetin e duhur politik, guximin dhe lidershipin u zgjidh”, në një intervistë për “TV21″.

Do të citoj Nelson Mandelën: “Gjithmonë duket e pamundur derisa të bëhet. Prandaj e konsideroj veten menaxher krizash, si zgjidhës problemesh. Nëse keni një problem, le të gjejmë një zgjidhje. E përsëris, nuk ka probleme të pazgjidhshme. Tani ne mund të jemi të frustruar, veçanërisht ju këtu në Maqedoninë e Veriut, por le të kujtojmë faktet. Ju dëshironi të jeni pjesë e BE-së, dhe BE-ja dëshiron të njëjtën gjë. Kjo është gjëja më e rëndësishme. Ju nuk keni pse të bindni dhe të shpjegoni. Do të jetë”, tha Lajçak.

Ai tha se Bashkimi Evropian ka një prani të fortë në Maqedoni, që është shenjë e përkushtimit politik.

“Po. Siç thatë ju, unë kam punuar me Ballkanin Perëndimor për më shumë se 20 vjet. Unë jam dëshmitar i zhgënjimit në rritje në rajon. Por edhe në Bashkimin Evropian. BE-ja i ka bërë një premtim të qartë Ballkanit Perëndimor. Asnjë rajon tjetër nuk ka marrë një premtim për anëtarësim të plotë. Por problemi është se ai premtim është bërë 19 vite më parë, në vitin 2003 në Selanik. Që atëherë, vetëm Kroacia është anëtarësuar në BE dhe vetëm 2 nga 6 vende janë në negociata zyrtare. Procesi është shumë më i ngadalshëm nga sa pritej. Kjo është arsyeja pse zhgënjimi po rritet në rajon. “Nga ana tjetër, më duhet t’ju them se 2-3 vjet më parë kishte një ndjenjë vetëkënaqësie në BE,” tha Lajçak.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit