Nuk ka më dyshime. Liverpooli bën goditjen e parë në këtë merkato vere, teksa thuhet se ka arritur marrëveshje personale me sulmuesin e Benficas, Darwin Nunez.
Reds janë në kërkim zëvendësuesit të Sadio Mane, i cili pritet të largohet këtë verë. Futbollisti i zgjedhur është sulmuesi uruguaian, Nunez, i cili pëlqehet shumë nga Jurgen Klopp.
Lojtari e ka zgjedhur “Anfield Road” si destinacionin e ardhshëm për karrierën e tij, ndërsa flitet se Liverpool do shpenzojë 100 mln euro për shërbimet e tij.
Detajet e kontratës dhe paga nuk janë bërë ende publike. Gjatë ditëve të ardhshme pritet edhe një marrëveshje mes klubeve dhe zyrtarizimi i kësaj marrëveshjeje.
