Mohamed Salah ndoshta ka luajtur sezonin e tij të fundit te Liverpooli. Të paktën kështu raporton sot prestigjozja britanike “Mirror”, e cila thekson se egjiptiani ka zgjedhur një ekip të ri për të vazhduar karrierën
Gjithnjë sipas këtij burimi, Salah ka vendosur që të firmosë me Barcelonën, me sulmuesin që i ka thënë “po” klubit katalanas.
Kontrata e Salah do të skadojë në verën e 2023 dhe duket se ai nuk ka ndërmend të rinovojë, duke bërë që një prej lojtarëve më të mirë të Liverpoolit në vitet e fundit do të largohet.
Dilemë mbetet vetëm formula e transferimit, pasi nuk dihet nëse egjiptiani do bashkohet që këtë verë me Barcelonën kundrejt një pagese, apo do presë fundin e kontratës sezonin tjetër.
