Shqipëria ka barazuar 1-1 me Islandën në ndeshjen e parë në Grupin 2 të Ligës B në Ligën e Kombeve. Në ndeshjen e zhvilluar në stadiumin Laugardalsvollur në Reikjavik, skuadrat bënë "paqe".
Ekipi kuqezi kishte bërë mjaft mirë në pjesën e parë, duke kërkuar disa herë golin derisa e gjeti me anë të Seferit, Por në fillimin e të dytës, një përgjumje në prapavijë dhe një pasim i gabuar i Gjimshitit, solli golin e barazimit për vendasit.
Këta të fundit më pas e patën shumë më të thjeshtë të kontrollonin ofensivën e përfaqësueses shqiptare duke e mbajtur larg portës dhe duke bërë të mundur që kjo ndeshje të mbyllej me shifrat 1-1.
Tashmë Islanda është kryesuese në grup me dy pikë pas dy barazimesh, ndërsa Shqipëria ka një pikë nga kjo ndeshje e vetme. Sfida e radhës ndaj Izraelit në shtëpi.