Të shtêna me armë zjarri janë regjistruar mbrëmjen e sotme në Durrës. Mësohet se në Sukth është qëlluar me armë zjarri 48-vjeçari (më herët u raportua 20) i identifikuar si Arben Maneci, person me precedent penal në fushën e narkotikëve. Maneci ka humbur jetën sapo ka mbërritur në spital për shkak të plagëve të marra.
Njoftimi i policisë
Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit A. M.(I.), 48 vjeç.
Për pasojë shtetasi A. M.(I.) u plagos në gjendje të rëndë dhe si pasojë e plagëve të marra ndërroi jetë në spital. Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit. Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
