Sot kemi raportuar për një rast të rëndë ku një punëtor ka humbur jetën derisa po punonte, pasi u lëndua nga një mjet i metaltë.
Mësohet se viktima është 52-vjeçari Vedat Ibrahimi, futbollist i ditëve të para të Gjilanit. Ai pasi kishte luajtur në ekipin e juniorëve, më pas gjatë viteve në okupim ishte pjesë e organizimit në futboll të vogël, duke luajtur për ekipet KF Kosova (Baleci) në futboll të vogël e më pas në vitin 1995, ai ishte pjesë e Gjilanit, ekip me të cilin u shpall kampion në Grupin e Ferizajt.
Vedat Ibrahimi, që ishte një mesfushor i spikatur pas përfundimit të karrierës si futbollist ndër të tjera kishte punuar në një kompani ndërtimi dhe gjatë punës tragjikisht ka humbur jetën.
Pasditen e të mërkurës ai është varrosur me nderime në Varrezat e Qytetit në Gjilanit.
