Një ngjarje e rëndë ka ndodhur në Tepelenë. Mësohet se një 65-vjeçar është rrëzuar nga tarraca e shtëpisë dhe për pasojë ka humbur jetën. Ngjarja ka ndodhur sot rreth orës 13:45, në lagjen “Kala”, në Tepelenë. Ai ka qenë duke kryer disa riparime në tarracën e banesës dhe për një moment është rrëzuar duke humbur jetën.
Njoftimi i policisë:
Tepelenë/Informacion paraprak
Rreth orës 13:45, në lagjen “Kala”, Tepelenë, shtetasi B. Z., 65 vjeç, duke kryer disa riparime në tarracën e banesës së tij, ka rënë nga tarraca dhe për pasojë ka humbur jetën.
Në vendngjarje ndodhet grupi hetimor, i cili po punon për sqarimin e rrethanave të situatës.