Viti 2000 në Kosovë ishte fillimi i pas luftës në Kosovë ku të gjithë ata që përjetuan luftën kishin trauma e pasoja të mëdha. Por një histori e pazakontë është rrëfyer këto ditë në mediat kosovare.
Një i burgosur nga Drenica ka rrëfyer se kur ishte vetëm 14-vjeç e kishte vrarë një ushtar rus në mes të Skënderajt.
Ai tha se ushtarit ia ka rrëmbyer armën dhe e ka vrarë në çast. Ngjarja ka ndodhur në vitin 2000.
I burgosuri nga Drenica thotë se momenti kur ushtari foli në gjuhën ruse, që për të i tingëlloi si gjuhë serbe ai reagoi duke e vrarë atë.
“Në janar të vitit 2000 u regjistrova në shkollë të mesme në Skënderaj, me çantë të shkollë duke shkuar e pash një ushtar rus në sheshin “Adem Jashari”, u kanë truprojë i gjeneralit…aty disa persona e shajshin ushtarin rus edhe unë u afrova fillimisht…ja rrëmbeva kallashnikovin ushtarit rus edhe e kam bë vrasjen në çast”, tha ai në emisionin “n’burg” në RTV Dukagjni.
Më shumë detaje mund të kuptoni në videon e mëposhtme.
