Interi ia doli mbrëmjen e djeshme të fitonte Kupën e Italisë ndaj Juventusit, teksa triumfoi 2-4 në kohën shtesë, duke i lënë bardhezinjtë në zero tituj për këtë sezon. Mes protagonistëve të ndeshjes sigurisht edhe arbitri Valeri i cili iu desh të përballej me një sërë situatash të komplikuara. Vendimet e tij shkaktuan reagime të ndryshme te mbështetësit e dy skuadrave, duke i zemëruar shumë ata të Juventusit. Goditja e penalltisë e dhënë për kontaktin Bonucci-Lautaro dhe që i dha mundësinë Interit të shënonte 2-2, ngjalli shumë dyshime te Juventusi.
Ndërkaq, një moment i komentuar ndodhi edhe në fundin e ndeshjes. Kur Valeri dhe bashkëpunëtorët e tij kaluan ne koridorin e perbere nga lojtaret zikalter, përveç duartrokitjeve të zakonshme, në adresën e Valerit u bërtit edhe një fjali nga Samir Handanovic. “Bravo Valeri”, këto janë fjalët e portierit, duke gjykuar nga buza e drejtuar tek fishkëllima e cila nga ana e saj u përgjigj me një “Faleminderit”. Ky episod ka nisur të bëjë xhiron e internetit.
I vincitori giustamente applauditi! #JuveInter #CoppaItaliaFrecciarossa #JuventusInter pic.twitter.com/nV2MmNTtzo
— Paul (@PaoloSebastio) May 11, 2022
