Në orët e mbrëmjes, në rrugën “Arben Xheladini”, ka ndodhur një përleshje mes disa personave, ku është tensionuar situata deri në përdorimin e thikës.
Për pasojë, dy persona kanë marrë lëndime trupore, nga goditjet me thikë.
Siç raporton Sinjali, personat e lënduar janë babë e bir, ku djali raportohet se është 17-vjeçar.
Të lënduarit janë duke marrë trajtim mjekësor, ku njëri prej tyre është në gjendje të rëndë.
Kryrësit e kësaj vepre dyshohet se janë afërsisht të moshës së njëjtë me viktimën 17-vjeçar.
Ende nuk dihen motivet e kësaj përleshjeje.
