Drejtoria për të Ardhura Publike ka shqiptuar dënime për drejtorin e burgut të Shutkës Filip Andonov dhe të vetë institucionit, pas publikimit në media se në burg shiten produkte ushqimore me çmime të larta pa u dhënë kupona fiskal.
Inspektorët kanë hyrë në burg dhe kanë konstatuar shkelje, thotë zëvëndës drejtori i Drejtorisë për të Ardhura Publike Abdul-Selam Selami.
“Gjoba do të jetë për përgjegjësin e institucionit do të thotë për drejtorin edhe për burgun e Shutkës. Lartësia e gjobës varet prej subjektit, varet nga qarkullimi vjetor i parave. Këto analiza do të bëhën të hënën dhe në bazë të qarkullimit do të bëhet vlera e gjobës, edhe për burgun e Shutkës edhe për drejtorin.
Në kantinën e burgut për smoki, të burgosurit paguajnë 60 denarë. Për shkopinj të kripur në dyqanin më të shtrenjtë paguhet 25 deri më 30 denarë, e në burg, 50 denarë. Çmimi për paketimin më të madh të majonezit në dyqan është 80 denarë, e në kantinën e burgut, 150 denarë. Lëngu i portokallit, në dyqan shitet për 84 denarë, e në burg, 100 denarë.