Do të luhet pas pak me fillim nga ora 21:00 sfida mes Real Madridit dhe Manchester Cityt e vlefshme për gjysmëfinalen e Champions League ku pritet të vendoset finalisti tjetër që do të përballet me Liverpooin në finalen e Parisit. Sfida e parë përfundoi 4-3 për Cityn dhe kualifikimi sot mbetet i hapur.
Ançeloti vjen me dy ndryshime në formacion, duke futur nga minuta e parë Kasemiron dhe gjithashtu Naçon në qendër të mbrojtjes, për shkak të dëmtimit të Alabas. Nga ana tjetër, për Guardiolës i janë kthyer dy krahët e mbrojtjes në formacion, me Kanselon dhe Kajli Uollker që e nisin që nga minuta e parë. Për sa i përket pjesës tjetër të ekipit, është po i njëjti si në sfidën e parë.
Formacionet zyrtare:
REAL MADRID: Kurtua, Militao, Naço, Mendi, Karvahal, Kros, Kasmiro, Modriç, Valverde, Vinisius, Benzema.
MANÇESTER SITI: Ederson, Dias, Laporte, Uollker, Kanselo, Rodri, De Brujne, Bernardo Silva, Mahrez, Foden, Zhezus.
