Christian Pulisic i Chelseat ka përfunduar në listën e dëshirave të Juventusit, teksa shihet si pasuesi ideal i Paulo Dybalës. Babai i lojtarit pranoi këtë javë se po shqyrtonte opsionet e tij pas një sezoni të vështirë në Londër.
Situata e tij jo e qëndrueshme te Blutë ka bërë që Pulisic të përfundojë në listën e dëshirave të disa klubeve të njohura evropiane. Sipas gazetës italiane Tuttosport, Juventusi po ndjek nga afër zhvillimet e të ardhmes së Pulisicit.
Bardhezinjtë e shohin Pulisicin si një zëvendësues të mundshëm të Paulo Dybalas, i cili do të largohet kur kontrata e tij skadon në qershor. Pulisic ka luajtur vetëm dhjetë ndeshje në Premier League me Chelsean këtë sezon dhe ka një marrëveshje deri në vitin 2024, por aventura e tij duket drejt përfundimit.
