Liverpooli është finalisti i parë i Champions League në këtë sezon. Të kuqtë arritën të mposhtnin në gjysmëfinale me përmbysje 2-3 Villarealin, duke siguruar kështu një biletë për në finalen e kompeticionit më të rëndësishëm për klube në Europë.
Një arritje madhështore kjo dhe për trajnerin Jyrgen Klop. Viti 2022 është simbolika më e mirë e punës së jashtëzakonshme që ka arritur ky trajner, me ciklin që duket se nuk do të mbyllet kurrë. Liverpooli ka arritur në finalen e Champions League, në finalen e Carabao Cup dhe në finalen e FA CUP.
Të gjitha këto kanë ardhur brenda këtij sezoni, ndërsa një finale më vete është ajo që po zhvillohet për titullin kampion në Premier League, teksa skuadra e Klop është vetëm një pikë larg Manchester Cityt kryesues. Efekti Klop po mrekullon tifozët e Liverpoolit.
