Një rast tepër flagrant ka ndodhur së fundmi nëpërmjet një tenderi për gatimin e vakteve dhe shpëndarjen e ushqimit në ish-spitalin ushtarak, i njohur zyrtarisht si Spitali Universitar i Traumës në Tiranë. Duket se “befas” stafi i këtij spitali është kujtuar se i ka mbaruar ushqimi për të sëmurët dhe ka hapur nje tëndr me emrgjencë që t’i ushqejë. Kjo duket që në objektin e tenderit i cili është: “Shërbim i gatimit dhe shpërndarjes së ushqimit për SUT, për nevoja emergjente”.
Drejtoria e spitalit e ka realizuar këtë tender me procedurë me negocim, pa njoftim duke ia dhënë “direkt e në dorë” paratë vetëm fituesit, pra pa konkurrencë. Fituesi rezulton të jetë firma SORI-AL në pronësi të Alma Tafanit, gruas së Nikolin Jakës. Kjo kompani ka fituar tenderin me një ofertë me vlerë sa 99.9% e findit limit! Pra nëse fondi limit i tenderit ka qenë 10,993,750 lekë të reja pa TVSH, kompania e Nikolin Jakës ka ofruar 10,985,479 lekë të reja pa TVSH ose rreth 130 milionë lekë të vjetra me TVSH.
Sa për statistikë, bëhet fjalë për tenderin me numër reference REF-26402-04-26-2022. Ndërkaq një tjetër element që i shton dyshimet për këtë tender është edhe koha mjaft e shkurtër midis datës së hapjes dhe datës së mbylljes së tij. Kështu rezulton se tenderi është hapur në datë 26-04-2022 Ora : 14:30 dhe është mbyllur 28-04-2022 Ora : 10:00. Pra praktikisht i është lënë thuajse vetëm 1 ditë afat për të mbyllur gjithçka dhe për të shpallur fituesin, që në rastin konkret është kompania e NIkolin Jakës e cila ka fituar me një ofertë të barabartë me 99.9% të fondit limit.
