Detaje të reja lanë dalë në dritë në lidhje me aksidentin e ndodhur në Tiranë, ku një autobus dhe një makinë përfunduan brenda Lumit Lana. Sipas njoftimit të policisë, si pasojë e aksidentit janë dëmtuar dhe janë dërguar në spital dy pasagjerët e automjetit që u përplas me autobusin. Ndërkohë, burime për mediat bëjnë me dije se numri i personave të plagosur ka shkuar në 6.
Grupi hetimor ndodhet në vendngjarje dhe po punon për sqarimin e rrethanave të aksidentit.
Njoftimi i policisë:
Tiranë/Informacion paraprak Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.
Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin. Grupi hetimor ndodhet në vendngjarje dhe po punon për sqarimin e rrethanave të aksidentit.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të
klikoni këtu
për të na kontaktuar.