Milani luan të dielën ndaj Fiorentinës në San Siro një nga ndeshjet më vendimtare të këtij sezoni. Megjithatë, klubi kuqezi ka bërë një truk, duke lejuar vetëm 200-300 tifozë të Fiorentinës në stadium. Drejtori i Fiorentinës, Joe Barone, sulmoi klubin kuqezi, duke thënë se ata kishin treguar mungesë respekti duke lejuar tifozët e tyre të blinin bileta për sektorin mik.
Sipas gazetës La Repubblica, vetëm një numër i vogël tifozësh të Fiorentinës do të jenë në sektorin mik të dielën, ndërsa pjesa tjetër e stadiumit, me mbi 75 mijë tifozë, do të jetë i ngjyrosur kuqezi. Milani nxori në shitje të gjitha biletat pa kufizime, kështu që tifozët e tyre u lejuan të blinin bileta hyrje edhe në sektorin e dedikuar për tifozët e Fiorentinës. Ndeshja pritet me interes nga i gjithë opinioni sportiv në mbarë botën.
