Futbollisti me origjinë shqiptare, Shkodran Mustafi është bërë pre një grabitje gjatë fundjavës. Lajmin e raporton gazeta "Levante", e cila shkruan se tre persona me kapuç hynë në shtëpinë e tij dhe plaçkitën sende me vlerë, duke përfshirë para, bizhuteri, çanta markash dhe gjëra të tjera që kapnin vlerën e 1 mln eurove.
Hajdutët u larguan me nxitim kur Mustafi i gjendur një kat më lart kuptoi grabitjen. Policia po përpiqet të gjejë dhe identifikojë autorët e kësaj grabitjeje. Ngjarjet ndodhën natën e së dielës në rrugën Merla në urbanizimin Torre En Conill de Betera në Spanjë. Kujtojmë që Shkodran Mustafi u largua nga Arsenali dhe aktualisht luan në La Liga me ekipin e Levantes.
