Ndoshta edhe në ëndrrat e tij më të bukura, Armando Broja nuk e kishe menduar se ndoshta një ditë do formonte dyshen e sulmit me Cristiano Ronaldon, idhullin e tij të fëmijërisë. Kjo mund të bëhet realitet në merkaton e verës. “Daily Express” shkruan se kjo është një nga hipotezat e bujshme që drejtuesit e United po mendojnë.
Që kur “djajtë e kuq” emëruan Erik Ten Hag në pankinën e tyre për sezonin e ardhshëm, ka nisur gara për të mësuar emrat e atyre që do të jenë përforcimet për edicioni e ri dhe e vetmja gjë që është arritur të mësohet është që klubi ka nisur negociata me “një sulmues të ri të Premier Ligës”.
Gazeta prestigjoze angleze ka analizuar situatën dhe sheh vetëm 5 opsione të mundshme që përmbushin disi këto kushte dhe ai që i afrohet më shumë është Armando Broja. Për momentin ka vetëm fjalë, por pritet edhe nisja e negociatave, pasi Chelsea është në vështirësi ekonomike dhe shitja e Armando Brojës te United mund të ishte një zgjidhje.
