Një anije me 47 fuçi naftë është mbytur në brigjet e një prej ishujve Galapagos të Ekuadorit. Anija, e quajtur Albatroz u mbyt pranë ishullit Santa Cruz, ndërsa lajmi është konfirmuar edhe nga kompania shtetërore e naftës Petroecuador.
Sipas mediave të huaja, fatmirësisht katër anëtarët e ekuipazhit shpëtuan shëndoshë e mirë. Rreth 97 përqind e zvarranikëve të Galapagos dhe 80 përqind e zogjve nuk mund të gjenden askund tjetër.
Këto statistika e bëjnë arkipelagun një nga vendet në planet me nivelet më të larta të “endemizmit”, për shkak se shumë specie nuk gjenden askund tjetër në Tokë. Ishujt Galapagos janë një arkipelag ishujsh vullkanikë të shpërndarë rreth Ekuadorit në Oqeanin Paqësor.
Galapagos janë të mbushur me gjallesa të rralla, ndërsa vlerësohen si Trashëgimi Botërore nga UNESCO.