Një burrë ka marrë 65 paund gjobë për shkak se hija e makinës së tij “binte” në një vend parkimi për personat me aftësi ndryshe.
Matthew Cole, i cili punon si kopshtar, e mori gjobën pasi la makinën e tij të parkuar jashtë zyrës postare Blackheath në Lewisham.
Natyrisht, Cole nuk ka “kontroll mbi diellin” ose drejtimet në të cilat mund të bien hijet, kështu që ai e përshkroi situatën si absurde.
“Unë mendoj se 65 paund nuk janë shumë për shumë njerëz sot, por parimi është i gabuar. Nëse nuk e paguaj gjobën në një kohë të caktuar, ajo do të dyfishohet në 130 paund dhe është shumë”-u shpreh ai për mediat e huaja.
Cole apeloi gjobën dhe argumentoi se nuk kishte asnjë sinjal parkimi për personat me aftësi të kufizuara në vendin në të cilin ishte parkuar makina e tij, por këshilli e hodhi poshtë ankesën e tij.
Megjithatë, Cole është i vendosur të mos dorëzohet dhe ka paraqitur një ankesë të dytë.