Pasi grupi militant i talibanëve mori kontrollin e Afganistanit, jeta e njerëzve që jetojnë atje është përkeqësuar. Sipas mediave të huaja, të shumtë janë ata që tashmë po shesin veshkat e tyre për të mbijetuar.
Prindërit e një 15-vjeçari futën djalin e tyre në operacion në mënyrë që mjekët t’i hiqnin atij veshkën, e për rrjedhojë ata të shlyenin disa borxhe.
Veshka e të riut kushtoi vetëm 4500 dollarë.
Rasti në fjalë tregon se si shumë prindër afganë po mundohen që t’i mbijetojnë krizës humanitare të shkaktuar nga rënia e qeverisë verën e kaluar dhe rishfaqja e talibanëve për herë të dytë brenda 20 vitesh.
Më shumë se gjysma e popullsisë prej 39 milionë banorësh të vendit po përballen me krizën e urisë. 95% prej tyre nuk hanë mjaftueshëm. Ndërkohë, çmimet e produkteve të konsumit siç është për shembull mielli është dyfishuar, ndërsa ekonomia ka “ngrirë” për shkak të sanksioneve.
Situata po i shtyn afganët drejt zgjidhjeve ekstreme, dramatike dhe të rrezikshme.
Dy spitale në qytetin e Heratit, në perëndim të vendit, çdo muaj kryejnë rreth 15-20 operacione në muaj (heqin veshkat e njerëzve), ndërsa veprimtaria e paligjshme nuk shqetëson aspak autoritetet.
