Një vajzë 8-vjeçare është shtruar në spital, pasi u pickua nga një gjarpër gjatë një pikniku me familjen e saj në “West Midlands” në Angli. Fëmijës, emri i së cilës nuk bëhet i ditur iu fry dora, pas sulmit të gjarprit pranë shtëpisë së saj në Birmingham.
Ajo ishte me prindërit e saj, kur vuri re zvarranikun dhe shtriu dorën drejt gjarprit “Adder”, të vetëm helmues në Mbretërinë e Bashkuar, Pas pickimit, vogëlushja u dërgua me urgjencë në spital nga familja e saj, pasi dora e saj u fry, ndërsa iu dhanë edhe dy injeksione anti-helm.
Babai i saj David Rathbone tha për mediat e huaja:
Ajo ishte lajmëruar për praninë e gjarprit, por duke qenë një vajzë e guximshme, ajo vendosi të prekte gjarprin me pamje të mrekullueshme me gishtin e saj. Ajo ndodhet ende në spital, ndërsa pritet që të dali së shpejti.
