Prindërit e disa fëmijëve në një shkollë të Michigan-it u ankuan kur një fëmijë në kopsht thuhet se mori me vete pije alkoolike.
Dy nëna, Alexis Smith dhe Dominique Zanders thanë se fëmijët e tyre kanë pirë padashje nga pija alkoolike që një shok klase në Grand River Academy, Livonia mori me vete.
Sipas mediave të huaja, shoku i klasës thuhet se ka hedhur pijen alkoolike në gotat e fëmijëve në kohën e pushimit, teksa fëmijët e tjerë hanin.
Smith tha se fëmija i saj kishte pirë disa gllënjka nga “Jose Cuervo margarita”, ndërsa shtoi se më pas djali i saj ndihej i lodhur.
Ndërkohë, nëna tjetër tha se vajza e saj ndihej e trullosur, duke shpjeguar se fëmijët e tyre mendonin se ishte lëng frutash dhe ndaj e pinin.
Megjithatë, pija doli të ishte diçka shumë më e fortë.
Kuptohet që pas kësaj prindërit ishin të zemëruar, por jo me fëmijët pasi ata duan të dinë se si mund të ishte parandaluar incidenti dhe të merren masa.