Një shqiptar është 'eliminuar' ditën e djeshme në shtëpinë e tij në Ekuador, nga disa policë të rremë. Ata u paraqitën si efektivë policie dhe hynë në lagjen luksoze La Aurora. Sipas dëshmive, autorët dukeshin si policë të vërtetë. Ata kishin veshur jelekë të ngjashëm me efketivët e policisë duke pretenduar se ishin agjentë dhe ju morën armët e zjarrit, radiot dhe celularët rojeve të sigurisë së një rezidence luksoze të vendosur në sektorin La Aurora, që i përket kantonit Daule në Ekuador. Më pas skuadra e policëve të rremë hyri në shtëpinë e shqiptarit Adriatik Treska dhe e 'eliminuan' atë. Viktima mori disa plagë nga të shtënat.
Prokurori Walter Jaramillo, i cili shkoi në vendin e ngjarjes, shpjegoi se gruaja dhe i ndjeri ishin ulur në një divan dhe se kur ajo u ngrit për të kërkuar që t'i tregonin asaj urdhrin e kërkimit, një nga burrat qëlloi Treskën 6 herë.
Burimi: eluniverso.com| Përktheu dhe Përshtati: JOQ Albania