Ndërhyrjet estetike për të përmirësuar pamjen e jashtme apo për të rregulluar defektet fizike janë një trend i përhapur edhe në vendin tonë. Vitet e fundit vihet re një përhapje e gjerë dhe e kërkesave në rritje të klientëve. Ndërsa qendrat estetike janë nga më të shumtat dhe të ndryshmet, një ndër më të famshmet në Shqipëri është dhe klinika KEIT. Shumë qytetarë i janë drejtuar kësaj klinike për ndërhyrje dhe përmirësimin e pamjes së tyre. Por mesa duket kërkesat kanë marrë edhe shtrirje përtej kufijve të vendit.
Ditën e djeshme publikuam një rast vërtetë të rëndë, ku një shtetase rumune kishte bërë një ndërhyrje për zmadhim gjoksi në klinikën KEIT. Por gjërat nuk ishin shkuar ashtu siç duhej, sepse pas një muaji asaj i ishin shfaqur probleme serioze duke iu infektuar rëndë. Qytetarja shkruante se edhe në operacionin e dytë që kishte kryer në këtë klinikë, gjërat nuk ishin rregulluar dhe infeksioni kishte vazhduar të përhapej, ndërsa për këtë gjë ishte detyruar të rrinte me javë të tëra në Shqipëri. Ajo shtonte gjithashtu se nga klinika nuk kishte marrë shërbimin e kërkuar, pasi kishte dashur të bënte masë të rrumbullakët, ndërsa stafi i ka bërë masë anatomike të implantit.
Por ditën e sotme, në lidhje me lajmin e publikuar ka reaguar edhe vetë klinika KEIT. Në mesazhin e mbërritur thuhet se stafi e ka bërë punën me përkushtim dhe profesionalizëm, por pacientja menjëherë pas ndërhyrjes ka shkuar në plazh dhe nuk ka bërë kontrollet e nevojshme duke ndërprerë kështu edhe mjekimet. Për këtë, klinika shkruan se ka fotot e bisedave dhe dokumentet e nevojshme që vërtetojnë diçka të tillë.
Mesazhi i mbërritur:
