Skema/ Si Tomi i AKEP-it u jep oligarkëve të sektit të Rilindjes paratë e shqiptarëve të varfër

Shkruar nga: N Hoxha | Publikuar më: 08.10.2020, 16:45

Ne, populli shqiptar, për fatin e keq jemi të ndryshëm nga popujt e tjerë të Evropës, ku ndër të tjera ndryshojmë edhe për shkak të ndërgjegjes/vetëdijes sonë historike, pra të kujtesës mbi atë që se çfarë ndodh me ne. E pikërisht në përputhje me këtë konstatim, gjenialiteti ynë “Populli”, ka formuluar shumë shprehje të urta e popullore, por e përshtatur në realitetin tonë proverba hungareze se “ Të gjitha çuditë zgjasin vetëm 3 ditë”, gjen zbatim praktik pas ditës së 3-të të çdo skandali, vjedhjeje, mashtrimi, skllavërimi e përçudnimi që i bëhet gjithsecilit prej nesh nga pakica tjetër, pushtetarë, të dalë po prej nesh.

Rasti që do risjellim në vëmendje nuk është ndër vjedhjet e mëdha, pasi tashmë vjedhjet nëntë shifrore (miliardëshe), konsiderohen me pasoja të vogla, por rasti ilustron mënyrën perverse të vjedhjes së parasë publike (paraja jonë e përbashkët). Më 11 korrik 2020 publikuam artikullin që krijonte dyshimin e arsyeshëm për vjedhjen e radhës nëpërmjet procedurës së prokurorimit publik për një shërbim të çuditshëm që kërkonte të kryente Tomi Frashëri Kryetar i Autoritetit i Komunikimeve Elektronike dhe Postare.

Procedura e “vjedhjes dritë e për diell” (prokurorimit publik) kishte si objekt nevojën e Tomit të AKEP-it për të udhëtuar me makinë (automjet), porse makinat (automjetet) e AKEP-it, çuditshëm kishin “rënë në ujdi” që të prisheshin të gjitha në të njëjtën kohë. AKEP-i i Tomit ose Tomi AKEP-it, shpalli kërkesën për propozim në procedurën me numër reference “REF-63016-06-26-2020” e hapur më datë 29-06-2020, ora:09:00 dhe do të mbyllej me datë 13-07-2020, ora: 10:00. Pra dyshimi lindi mbi faktin e çuditshëm se si 8 makina/automjetet e AKEP-it ishin prishur në një ditë?!

Shuma që i duhej AKEP-it të Tomit, për të riparuar makinat/automjetet e prishura, ishte jo pak, por plot 23.5 milion lek. Procedura e “vjedhjes”/tenderit kishte kërkesa të çuditshme për operatorët ekonomikë, që të krijon idenë se AKEP-i i Tomit nuk po kërkonte ofruesin e shërbimit për rregullimin e makinave, por kërkonte subjektin që kishte pikërisht kushtet që ai shkruante, pra që kushdo që të futej në garë të skualifikohej për shkak të kushteve specifike që do i kishte vëtëm subjekti specifik.

Logjika ekonomike orienton në parimin se, nëse riparimi i një sendi kushton sa vlera e të njëjtit send të ri, ose më shumë se 70-80% e vlerës së tij në gjendjen fillestare, ky send nxirret jashtë përdorimit dhe zëvendësohet me një të ri që plotëson nevojat. Nga vështrimi i procedurës me referencë Nr.“REF-63016-06-26-2020”, dukej qartë se nuk funksiononte logjika ekonomike, por krijonte dyshimin për një skemëtë qartë “kullufitjeje me fund” të parave publike, duke konsumuar një sërë veprash penale, për të cilat Prokuroria e Shtetit duhet të jetë e akuzuar bashkë më Policinë e Lleshit.

JOQ Albania paralajmëroi se ky tender vjen era vjedhje, e për këtë bëri denoncim publik; mirëpo AKEP-i i Tomit ka zgjuarsi në kryerjen e krimit të vjedhjes dhe kështu ndryshoi strategji. Për të njëjtën procedurë është raportuar në redaksinë e JOQ Albania se, operatori fitues i procedurës së zhvilluar, nga ku kishin marrë pjesë 5 subjekte, se pasi ka marrë njoftimin e fituesit, ka kërkuar nga AKEP-i nënshkrimin e kontratës, sipas ligjit, me qëllim realizimin e objektit të punës sipas kritereve të kërkuara.

Por, AKEP-i i Tomit në vend që të nënshkruante kontratën sipas ligjit dhe rregullores, vuri në lëvizje mekanizmin e anullimit të procedurës, por pse vallë?! Sepse me kushtet dhe kriteret nuk kishte fituar subjekti i paramenduar dhe kështu do të dekonspirohej e vërteta që makinat nuk kishin nevojë për shërbime apo riparime, pasi ato janë në përdorim të përditshëm, pa asnjë problematikë. AKEP-i i Tomit njoftoi se tenderi anullohet: Për shkaqe që dalin jashtë kontrollit të Autoritetit kontraktor dhe e paparashikueshme në kohën e fillimit të procedurës së prokurimit, duke respektuar parimet e barazisë, transparencës sipas parashikimit në rregullat e prokurimit publik.

Por, se cilat ishin shkaqet që dilnin jashtë kontrollit nuk thuhet, këto i di vetëm Tomi dhe shokët e tij. Por logjika e dyshimit na dërgon se, subjekti fitues nuk ishte subjekti i parashikuar që të fitonte, pra nuk ishte subjekti që do merrte lekët pa bërë shërbimin, por ishte një subjekt tjetër që kishte parashtruar ofertën e tij. Raportuesi thotë për JOQ Albania se, subjekti fitues operonte prej shumë vitesh në treg, duke ofruar shërbimet e servisimit sipas nevojës së automjeteve. JOQ Albania, që prej anullimit të kësaj procedure mbajti në vëmendje nëse AKEP-i i Tomit do të rihapë një procedurë tjetër me të njëjtin objekt apo jo?!

Dhe instikti i eksperiencës nuk gabon. Nuk zgjat shumë dhe shpallet procedura për të njëjtin objekt pune, tenderi me referencën Nr. “REF-7983-10-05-2020”. Por këtë herë AKEP-i i Tomit është kujdesur të ndryshojë jo vetëm kushtet dhe kërkesat specifike për subjektin që do shpallet fitues, por është bërë ndryshim edhe në komisionin e vlerësimit dhe njësinë e prokurorimit, ku dy prej anëtarëve kishin shpallur një kompani tjetër nga ajo e paracaktuar për të fituar.

Tomi Frashëri, pjesë e sektit shkatërrues të pasurive publike, rilindjes, si i përkëdheluri i babait hajdut i lindur me "këmishë"; i cili e ka nisur karrierën me aftësinë gojore nga lart poshtë, tani shfaqet i fortë, arrogant por dhe i paprekshëm nga forca e ligjit. Dyshimi i arsyeshëm i bazuar në logjikën vijuese dhe i mbështetur në faktet publike të një procedure tenderimi. Për objektin e punës për të cilin u anullua tenderi me Nr. “REF-63016-06-26-2020” për motive të paditura është shpallur një tender tjetë r me numër reference "REF-7983-10-05-2020" me afat për pranim të ofertave deri më datën 16.10.2020 ora 10:00.

Pyetja që lind vetiu është, çfarë ndryshoi që prej anullimit të një tenderi për kushte të paparashikueshme nga AKEP-i i Tomit?! Le të shikojmë kriteret dhe kushtet e tenderit të ri, nga ku vërejmë se janë vendosur të njëjtat kërkesa si në shpalljen e parë që ky institucion ka bërë: përsëri makina që prishen në të njëjtjën kohë dhe u ndërrohen thuajse të gjitha pjesët. Por Tomi i AKEP-it ka ndryshuar këtë herë vetëm llojin e licencave që duhet të ketë subjekti fitues, pra dyshimi është se, është paracaktuar subjekti fitues dhe kërkesat janë hartuar sipas atyre elementëve të veçantë që ka pikërisht subjekti i paracaktuar. Po pse lind ky dyshim?!

Ilustrimi është në kërkesat që parashtron AKEP-i i Tomit, që janë licencë për: “2…b. riparim dhe mirëmbajtje e karrocerisë së mjeteve rrugore me motor dhe rimorkiove.”, por çfarë i duhet Tomit të AKEP-it kjo lloj licence, kur shërbimi që kërkon të kryejë AKEP-i i Tomit nuk kërkon këtë lloj licence, nuk e ka pjesë të shërbimeve të kërkuara në këtë tender? Tomi i AKEPit nuk ka kërkuar të bëhet ndonjë shërbim për riparim karrocerie, apo të ketë ndonjë automjet të aksidentuar, pra përse do t’i duhet vallë Tomit ky kriter kaq i veçantë?! Se mos vallë pikërisht këtë kriter ka subjekti i paracaktuar?!

Kërkesë tjetër e këtij tenderi është që të gjitha makinat të riparohen brenda një afati maksimal prej 30 ditëve. Tomi i AKEP-it ka vendosur edhe një kusht tjetër për subjektet që do të marrin pjesë në këtë tender, do t’iu kërkojë kompanive garuese dokumentet e pronësisë ku ushtrojnë aktivitetin ose kontratën e qirasë. Nuk mbaron me kaq, pasi Tomi i AKEP-it, “Autoriteti gëzon të drejtën e verifikimit fizik të ambienteve….”. Pra, do shkojë AKEP-i t'i hedhë një sy një herë servisit nëse i mbushet mendja Tomit apo jo?! Por nëse Tomit atë ditë i kanë humbur gjyzlyqet, si i bëhet?

Por le të shkojmë edhe më tej. Kërkohet një staf tepër i kualifikuar dhe me një numër të lartë punonjesish, a thua AKEP-i i Tomit ka flotë me 50 apo 100 automjete. Pra kusht tjetër për kompaninë e paracaktuar është se subjekti duhet të ketë: “një inxhinier mekanik, një inxhinier mekatronik, dy motoristë, tre xhenerikë, një elektroaut, një pompist, një Bojaxhi-Llamarinist, një Gomist, një Saldator”. E habitshme mbetet puna e këtij profesionistit të inxhinierisë mekatronike, që ky lloj profili në funksion të automjeteve shumë shumë, duhet për sistemet e semaforëve dhe jo për objektin e punës që ka kërkuar në procedurën e tenderit, apo mos vallë këtë ka të veçantë subjekti i paracaktuar?!

Përveç sa më sipër, kërkon edhe bojaxhi dhe llamarinist, kur në objektin e punës nuk ka lyerje makinash, por vetëm punë xhenerike. Kjo na krijon dyshimin tjetër që këto janë kriteret e veçanta të subjektit të paracaktuar, pasi serviset kryesisht janë të ndara nga repartet e lyerjeve dhe llamarinistëve. Kërkohet gjithashtu që operatori të ketë plan per mbrojtjen nga zjarri, kjo është një kërkesë e çdo subjekti, fakti që është evidentuar si kërkesë e veçantë, na lidh me subjektin e paracaktuar.

Vendosja e këtyre kritereve të veçanta për një punë të përditshme të servisit të makinave për përdorim të institucionit, krijon dyshimin se subjekti i paracaktuar do jetë një prej oligarkëve të sektit të rilindjes, ku tek autoriteti i llafeve dhe muhabeteve nëpërmjet internetit, kryen adete gojore mjeshtri i së drejtës, Tomi i Frashërllinjve. Nëpërmjet ngritjes së këtij dyshimi, ne bëjmë këtë denoncim publik, me anë të të cilit synojmë parandalimin e vjedhjes dhe shpërdorimit të së mirës publike.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit