Flet daja i Klevis Kapllanit

Klevis Kapllani ishte djali 32-vjeçar të cilit iu bë atntat pranë banesës dy katëshe në Kavajë. I riu është qëlluar 13 herë, ndërsa ka dyshime se autori nuk ka qenë një person i vetëm. Në mes të familjarëve shumë të dëshpëruar, ka folur para mediave edhe daja i tij, duke kërkuar nga shteti që të marrë masa për këto veprime pasi "u eliminua" një 32 vjeçar, i cili ka një fëmijë 2 muajsh në shtëpi. Në fjalën e tij, u shpreh se janë sharë me gishta dhe më pas e kanë qëlluar në mes të natës dhe e kanë lënë të pajetë në mes të rrugës.

Daja shprehet:

Rrinin duke sharë me gishta. Një vend si këtu që ka shkurre dhe të zënë në pritë është e paramenduar, e kupton si shkon puna. Nga shteti presim që të jetë më vigjilent për këto gjëra, kur njerëzit kanë probleme, të marrin masa dhe ti paraprijnë këto gjëra. Se një çun 32 vjeç ka lënë një fëmijë 2 muajsh tek shtëpia dhe i shkarkojnë kallashiin në mes të natës, është turp. Unë banoj në Tiranë, sot në mëngjes erdha këtu. E kanë gjetur të pajetë në mes të rrugës.