JOQ Albania
App Store
SHKARKO
Home
JOQ Albania

U raportua se 36-vjeçari në Bulqizë u vetëvar, qytetari: I hapën varrin dy herë dhe qëlluan me armë mbi arkivol
Shkruar nga: L Çela | Publikuar më: 01/08/2020 7:52

  • Share
  • Share
  • Share
  • Share

Më 20 qershor njoftuam se një person u gjet i pajetë në fshatin Valikardhë dhe bëhej fjalë për shtetasin me inicialet E.Z.

Burime nga policia e Bulqizës njoftuan se në trupin e viktimës nuk ishin konstatuar shenja dhune dhe dyshohej se 36-vjeçari ishte vetëvarur.

Infomracioni i dhënë nga policia:

Rreth orës 14.30, shërbimet e Komisariatit të Policisë Bulqizë, kanë marrë informacion se në fshatin Valikardhë, shtetasi E. Z., rreth 36 vjeç, dyshohet se është vetëvarur dhe për pasojë ka humbur jetën. Nga kqyerja paraprake e trupit të viktimës nuk janë konstatuar shenja dhune.

Lidhur me ngjarjen e ndodhur para disa kohesh një qytetar ka shkruar në redaksinë e JOQ Albania duke bërë një denoncim.

Sipas tij nuk bëhet fjalë për vetëvrasje pasi varri i 36-vjeçarit është hapur dy herë dhe disa persona kanë shtënë me armë mbi arkivol. Ai shpreh bindjen se çfarë thotë është e vërtetë pasi ngjarja ka ndodhur në fshatin e tij.

Mesazhi i qytetarit për JOQ Albania:

Keni pas nje lajm per nje te vetevarur ne valikardhe para nja nje muaji. I paskan hap varrin dy her si duket sepse nuk eshte vetvrare. Se ja kan hap heren e dyte dhe i paskan gjujt me arme siper arkivolit. Per cfare thash jam 1000% i sigurt se ka ndodhur ne fshatin tim.