JOQ Albania
Home

Luftë e përgjakshme midis bandave, 12 persona gjenden të ekzekutuar pranë një kamionçine
Shkruar nga: V Gashi | Publikuar më: 25/05/2020 0:50

  • Share
  • Share
  • Share
  • Share

Lufta për territor midis karteleve të drogës në Meksikë vijon të shkaktojë viktima të shumta.

Autoritetet meksikane raportuan vdekjen e 12 burrave, trupat e të cilëve u gjetën me shenja plagësh prej armëve të zjarrit, pranë një kamionçine të vjedhur e të braktisur në Michoacan, vend i cili njihet për masakra të tilla.

Mësohet se kartelet janë përplasur se kush do të kontrollonte rajonin e njohur si Tierra Caliente (Toka e nxehtë), që përfshin disa zona të shteteve fqinje Michoacan, Guerrero dhe State of Mexico.

Prokurori i përgjithshëm i shtetit Michoacan tha në një deklaratë për mediat se, burrat, të cilët ende nuk janë identifikuar u gjetën në komunën e San Lucas, e cila kufizohet me tre shtetet.

Kamionçina ku ato u gjetën të pajetë u raportua e vjedhur vitin e kaluar në Mexico City, raportuan autoritetet.

Burimi: Reuters|Përktheu dhe Përshtati: JOQ Albania