JOQ Albania
Home

Publikohet video/ Iu kërkoi urdhrin, policët e Lleshit dështojnë përballë regjisorit: U larguan si frikacakë!
Shkruar nga: V Gashi | Publikuar më: 24/05/2020 23:54

  • Share
  • Share
  • Share
  • Share

Kryeministri Rama urdhëroi nga Facebook që kjo fundjavë që sapo lamë pas të mbyllej.

Mirëpo, ka pasur dhe qytetarë që nuk u janë bindur urdhrave të Ramës, të cilët duan t'i tregojnë këtij të fundit që nuk kanë frikë nga ai.

Një prej tyre ka qenë edhe regjisori Kastriot Çipi, i cili këtë të diel festive ka zgjedhur ta kalojë me miqtë në një lokal.

Ai është përballur me dy efektivë policie, të cilët i kanë kërkuar të largohet.

Siç shihet dhe në video, njëri nga policët nuk ka a numër identifikimin, gjë të cilët regjisori me miqtë e tij ja vë në dukje efektivit.

Çipi këmbëngul se nuk ka asnjë akt normativ që e ndalon të bëjë këtë veprim .

Videoja është publikuar nga Aleanca për Mbrojtjen e Teatrit, ku ndër të tjera thuhet se policët u larguan pas 5 minutash pasi nuk kishin asnjë bazë ligjore dhe asnjë shkresë.

Në videon e publikuar thuhet:

Mosbindje civile. Policia e shtetit vazhdon të intimidojë qytetarët me urdhra fb të Kryeministrit. Njëri nga policët nuk ka as numër identifikimi. Shiheni vetë në video skandalin. Pasi nuk kishin asnjë bazë ligjore e asnjë shkresë, ata u larguan si frikacakë pas 5 minutash.

Kjo nuk është hera e parë që policët e Lleshit patrullojnë pa numra identifikimi, gjë e cila mund të bëhet edhe nga një qytetar i zakonshëm, i cili mund të vishet si polic edhe të veprojë si i tillë, raste të cilat kanë ndodhur shpesh kohët e fundit, ku të tillë persona kanë kryer edhe grabitje duke u maskuar si punonjës policie.