JOQ Albania
Home

Kosova drejt fitores ndaj Covid-19, raportohet vetëm një rast i ri në 24 orët e fundit
Shkruar nga: V Gashi | Publikuar më: 21/05/2020 23:15

  • Share
  • Share
  • Share
  • Share

Kosova po shkon drejt fitores në betejën ndaj Covid-19, gjë e cila vërtetohet edhe nga shifrat e publikuara nga përditësimi i të dhënave të 24 orëve të fundit mbi situatën e koroanvirusit në vend.

IKSHPK konfirmoi se në 24 orët e fundit është shënuar vetëm një rast i ri me koronavirus.

Sot u testuan 208 mostra, prej të cilave vetëm një person rezultoi pozitiv për Covid-19.

Numri i përgjithshëm i të infektuarve ka shkuar në 1004, ndërsa rasti pozitiv i sotëm u konfirmua në Vushtrri.

Njoftimi i plotë i IKSHPK:

NJË RAST ME COVID-19!

Sot më 21 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 145 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2, është konfirmuar 1 rast.

Rasti pozitiv është rast kontakti nga: komuna e Vushtrrisë 1 rast (sipas vendbanimit:1 rast Vushtrri).

Nga data 08 shkurt deri më 21 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.551 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.004 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 21 maj 2020 sipas Worldometers, janë raportuar gjithsej 5.136.795 raste të COVID-19 dhe 331.496 raste të vdekjes.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË! RUAJENI SHËNDETIN TUAJ! PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ

QËNDRONI NË SHTËPI, KJO UA SHPËTON JETËN! MBANI DISTANCË FIZIKE PËR SË PAKU 2 METRA! NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!