Në këtë situatë kaotike që po kalon bota, normalisht nuk mund të flitet për futboll dhe në Belgjikë janë duke e kuptuar mjaft mirë këtë gjendje.
Kështu, kampionati belg është pezulluar përfundimisht dhe nuk do të rifillojë më ky sezon.
Drejtuesit e Jupiler Pro Ligë kanë vendosur që kampionati të mbyllet këtu dhe tashmë pritet të miratohet vetëm nga Asambleja e Përgjithshme.
Në këtë situatë, Klub Bryzh do të fitojë titullin kampion pasi ishte ekipi i vendit të parë deri në ndërprerjen e kampionatit.
Ndërkaq, në kampionatet e tjera europiane, akoma nuk është vendosur se çfarë do të ndodhë, teksa hipotezat janë që të nisë në qershor dhe të vazhdojë gjatë verës.