E konfirmon Lampard, futbollisti i Chelseat shërohet plotësisht nga koronavirusi

Një lajm i mirë vjen nga Anglia, teksa lojtari i parë i Premeir Ligës që u konfirmua si pozitiv me COVID-19 është shëruar totalisht.

Kallum Hadson-Adoi ishte futbollisti i parë që rezultoi pozitiv në këtë kampionat e tashmë testet mjekësore tregojnë se trupi i tij ka mposhtur virusin që ka kaluar gjithë botën në panik.

Ka qenë vetë trajneri i Chelseat, Frenk Lampard, ai që ka konfirmuar se futbollisti i tij ishte në gjendje të mirë shëndetësore.

Lampard tha:

Ai është plotësisht i shëruar. Kam folur me të gjatë gjithë javës, ishte një periudhë shumë e çuditshme. Për fat të mirë nuk ka vuajtur shumë dhe jemi të lumtur që ia doli.

Për lojtarin tani fillon faza e dytë e etapave të shërimit, pasi duhet të presë edhe 14 ditë të tjera i izoluar plotësiht para se të jetë në gjendje që të lëvizë lirshmërisht pa frikën se mund të infektojë të tjerë.