Paulo Dybala dhe e dashura e tij janë vetë-karantinuar për shkak se të dy kanë rezultuar pozitivë në testin ndaj koronavirusit.
Për fatin e mirë, sulmuesi argjentinas dhe partnerja e tij e kanë kaluar më të keqen dhe tani janë drejt rikuperimit.
Kjo ka bërë që edhe Dybala të nisë gradualisht stërvitjen indivividuale për të mbajtur trupin sa më në formë.
Dybala tha:
Jam shumë më mirë. Pas disa simptomave të vështira të disa ditëve më parë, tashmë jam më mirë. Po provoj të rinis të stërvitem, sepse pas ditëve të para që mësova se isha i infektuar lodhesha pas vetëm 5 minutave vrap dhe më mbrapa nuk arrija të bëja më asgjë tjetër. Lodhesha shumë shpejt, por mbi të gjitha ndjeja muskujt sikur po më këputeshin, më dhimbnin në një mënyrë të frikshme. Gjithsesi, tani jam shumë më mirë dhe ashtu si unë edhe e fejuara ime Oriana.