Liverpooli mund të marrë një goditje të madhe sezonin e ardhshëm, pasi rrezikon seriozisht që Mohamed Salah të jetë i padisponueshëm për katër muaj, për shkak të Kupës së Afrikës dhe Lojërave Olimpike.
Salah është padyshim lojtari më i rëndësishëm i ekipit të kuq, pasi edhe këtë sezon është konfirmuar si golashënues, teksa ka shënuar 16 gola në 26 ndeshje.
Por, në një skenar më të keq, Liverpooli mund të jetë pa të pothuajse në gjysmën e sezonit 2020/2021.
E gjitha kjo me arsyen se Egjipti do marrë Salahun në Lojërat Olimpike, të cilat janë shtyrë për vitin 2021 prej koronavirusit. Lojërat Olimpike pritet të organizohen mes muajit mars dhe prill të vitit të ardhshëm.
Salah, së bashku me Sadio Mane, Joel Matip dhe Naby Keita, do të marrin pjesë gjithashtu në Kupën e Kombeve në Afrikë, që do të luhet vitin e ardhshëm.
